Premios ás mellores ganderías da Estrada e Forcarei

O Concello da Estrada, en colaboración con Africor Pontevedra, recoñeceu ás dez mellores explotacións dos municipios da Estrada e Forcarei nun acto celebrado o pasado 2 de marzo ao que asistiu a conselleira do Medio Rural, Ángeles Vázquez.

Os recoñecementos repartíronse valorando cinco parámetros: a lonxevidade, o intervalo entre partos, a salubridade do ubre, a idade do primeiro parto e a fertilidade dos rabaños.

Na categoría de granxas de ata 60 vacas, a gandería de M.ª Susana Besteiro Otero, da Estrada, logrou o primeiro posto cun total de 530 puntos, seguida de Conde de Xesteira SL, da Estrada; Macris SC, de Forcarei; Manuel Míguez Filloy, de Forcarei, e Jose A. Neira Rodríguez, da Estrada.

Entre as explotacións de máis de 60 vacas, a vencedora foi Rosa Ana Tenreiro Merán, con 450 puntos. Os seguintes postos foron, por esta orde, para Gandeiría Gestoso SC, SAT Gandeiría Peniña 1043, Nodar SC e Gandeiría Ramos SC. Todas elas do municipio da Estrada.

 MELLORES GANDERÍAS DE ATA 60 VACAS

MELLORES GANDERÍAS DE MÁIS DE 60 VACAS

• 
• 
• Silleda